جے پور،23اگست(ایس او نیوز/آئی این ایس انڈیا) راجستھان میں، پچھلے 24 گھنٹوں کے دوران کچھ حصوں میں موسلا دھار بارش اور کچھ حصوں میں تیز بارش ریکارڈکی گئی ہے۔

محکمہ موسمیات کے مطابق گذشتہ 24 گھنٹوں کے دوران، بانسواڑ کے بھوگڑا میں 36 سینٹی میٹر، گھٹول میں 30 سینٹی میٹر، کیسر پورہ میں 27 سینٹی میٹر، پرتاپ گڑھ میں پپلکونٹ میں 27 سینٹی میٹر، بنسوارہ کے جگ پورہ میں 26 سینٹی میٹر،لوہاریہ میں 19 سینٹی میٹر، گڑھی میں 18 سینٹی میٹر، جھالاور میں 17 سینٹی میٹر، بانسواڑ میں باگیڈورا میں 16 سینٹی میٹراور دیگر کئی مقامات پر 15 سینٹی میٹر سے 6.6 سینٹی میٹر بارش ہوئی۔

محکمہ کے ترجمان نے بتایاہے کہ اتوار کی صبح سے شام تک دبوک (اڈی پور) میں 63 ملی میٹر، چتورورگڑھ میں 25 ملی میٹر، کوٹہ میں 8.7 ملی میٹر، جے پور میں 0.8 ملی میٹر، وانستھالی میں 0.2 ملی میٹر بارش ریکارڈ کی گئی۔انہوں نے کہاہے کہ اتوار کے روز ریاست کے بیشتر مقامات پر زیادہ سے زیادہ درجہ حرارت 28.4 ° C سے 39.9 ° C ریکارڈکیاگیا۔ اسی دوران ریاست کے تمام اہم مقامات میں کم سے کم درجہ حرارت24.6 ° C سے 29.3 ° C ریکارڈ کیاگیاہے۔

اگلے 24 گھنٹوں کے دوران  سروہی، اْدی پور، باڑمیر،جالور،جیسلمیر، جودھپور اضلاع میں درمیانی اور شدید طوفانی طوفان کے ساتھ بارش ہوئی اورباڑمر،جالور اضلاع میں شدید سے موسلا دھار بارش ہونے کاامکان ہے۔